Bhagwan Shiv Ke 12 Jyotirling

Shiv Puran Ke Kotirudr Sanhita Men Varnit Kathanak Ke Anusar Bhagwan Shivshankar Praniyon Ke Kalyan Hetu Jagah-Jagah Tirthon Men Bhraman Karte Rahte Hain Tatha Ling Ke Rup Men Vahan Nivas Bhi Karte Hain . Kuchhh Vishesh Sthanon Par Shiv Ke Upaskon Ne Mahti Nishtha Ke Sath Tanmay Hokar Bhutbhavan Ki Aradhana Ki Thi . Unke Bhaktibhav Ke Prem Se Akarshit Bhagwan Shiv Ne Unhen Darshan Diya Tatha Unke Man Ki Abhilasha Ko Bhi Purn Kiya Tha . Un Sthanon Men Avirbhut (Prakat) Dayalu Shiv Apne Bhakton Ke Anurodh Par Apne Anshon Se Sada Ke Lie Vahin Avasthit Ho Gaye . Ling Ke Rup Men Sakshat Bhagwan Shiv Jin-Jin Sthanon Men Virajman Hue, Ve Sabhi Tirth Ke Rup Men Mahattv Ko Prapt Hue .

Shiv Dvara Shivling Rup Dharan

Sampurn Tirth Hi Lingmay Hai Tatha Sab Kuchhh Ling Men Samahit Hai . Vaise To Shivlingon Ki Ganna Atyant Kathin Hai . Jo Bhi Drishy Dikhai Padta Hai Athva Ham Jis Kisi Bhi Drishy Ka Smaran Karte Hain, Vah Sab Bhagwan Shiv Ka Hi Rup Hai, Usse Prithak Koi Vastu Nahin Hai . Sampurn Charachar Jagat Par Anugrah Karne Ke Lie Hi Bhagwan Shiv Ne Devta, Asur, Gandharv, Rakshas Tatha Manushyon Sahit Tinon Lokon Ko Ling Ke Rup Men Vyapt Kar Rakha Hai . Sampurn Lokon Par Kripa Karne Ki Drishti Se Hi Ve Bhagwan Maheshvar Tirth Men Tatha Vibhinn Jaghon Men Bhi Anek Prakar Ke Ling Dharan Karte Hain . Jahan-Jahan Jab Bhi Unke Bhakton Ne Shraddha-Bhakti Purvak Unka Smaran Ya Chintan Kiya, Vahin Ve Avtrit Ho Gaye Arthat Prakat Hokar Vahin Sthit (Virajman) Ho Gaye . Jagat Ka Kalyan Karne Hetu Bhagwan Shiv Ne Svayan Apne Svarup Ke Anukul Ling Ki Parikalpna Ki Aur Usi Men Ve Pratishthit Ho Gaye . Aise Lingon Ki Puja Karke Shivbhakt Sab Prakar Ki Siddhiyon Ko Prapt Kar Leta Hai . Bhumandal Ke Lingon Ki Ganna To Nahin Ki Ja Sakti, Kintu Unmen Kuchhh Pramukh Shivling Hain .

Shiv Puran Ke Anusar

Shiv Puran Ke Anusar Pramukh Dvadash Jyotirling Is Prakar Hain,Ye 12 Jyotirling Somnatham, Mallikarjunam,Mahakaleshvram,Onkarashvar ,Kedarnatham, Bhimshankram,Vishveshvram,Tryammbkeshvar,Vaidynatham,Nageshvram,Rameshvar V Ghrishneshvram Hai . Jinke Nam Shravan Matr Se Manushy Ka Kiya Hua Pap Dur Bhag Jata Hai .

Uparyukt Dvadash Jyotirlingon Ke Sambandh Men Shiv Puran Ki Koti ‘rudrsanhita’ Men Nimnlikhit Shlok Diya Gaya Hai-

Jo Bhi Manushy Pratidin Pratah Kal Uthkar In Jyotirlingon Se Sambandhit Shlokon Ka Path Karta Hai, Arthat Uparyukt Shlokon Ko Padhta Hua, Shivlingon Ka Dhyan Karta Hai, Uske Sat Janmon Tak Ke Pap Nasht Ho Jate Hain . Jis Kamna Ki Purti Ke Lie Manushy Nity In Namon Ka Path Karta Hai, Shighr Hi Us Phal Ki Prapti Ho Jati Hai . In Lingo Ke Darshan Matr Se Sabhi Papon Ka Kshay Ho Jata Hai, Yahi Bhagwan Shankar Ki Visheshta Hai . Bhagwan Shiv Ke Jyotirling Men Prakat Hone Ke Bad Brahma Ji Aur Bhagwan Vishnu Ne Unki Stuti Ki, Jisse Prasann Hokar Bhagwan Shankar Apne Vastvik Svarup Men Prakat Ho Gaye . Unhonne In Devtaon Se Kaha Devvron. Main Ap Logon Par Bahut Prasann Hun . Ap Donon Hi Meri Ichchhha Ke Anurup Prakriti Se Utpann Hue Hain . Maine Apne Nirgun Svarup Ko Tin Rupon Men Bantkar Alag-Alag Gunon Se Yukt Kar Diya Hai . Mere Dahine Bhag Men Lok Pitamah Brahma, Bayen Bhag Men Vishnu Tatha Hriday Pradesh Men Paramatma Avasthit Hai . Yadypi Mai Nirgun Hun, Phir Bhi Gunon Ke Sanyog Se Mera Bandhan Nahin Hota Hai .

Is Lok Ke Sare Drishy Padarth Mere Hi Svarup Hai . Main Ap Donon Tatha Utpann Hone Vale ‘rudr’ Namak Vyakti Sab Ek Hi Rup Hain . Ham Logon Ke Andar Kisi Bhi Prakar Ka Bhed Nahin Hai, Kyonki Bhed Hi Bandhan Ka Karak Banta Hai . Uske Bad Prasann Shiv Ne Vishnu Se Kaha- ‘he Sanatan Vishno. Ap Jivon Ki Mukti Pradan Karne Ka Dayitv Samhalie . Mere Darshan Karne Se Jo Bhi Phal Prapt Hota Hai, Vahi Phal Apke Darshan Karne Se Bhi Milega . Ap Mere Hriday Men Nivas Karte Hain Aur Main Apke Hriday Men Nivas Karta Hun . Is Prakar Ka Bhav Jo Bhi Manushy Apne Hriday Men Rakhta Hai Aur Mere Tatha Ap Men Koi Bhed Nahin Dekhta Hai, Aisa Manushy Mujhe Atyant Priy Hai . Is Prakar Rahasymay Updesh Dene Ke Bad Bhagwan Shiv Antardhan Ho Gaye .